Clippers, Lakers nagmadaugon; Kawhi misangko sa 10,000 pts

Yoyo R. Abayan (Banat) - January 12, 2021 - 12:00am

CEBU, Philippines — Nagmadaugon ang duha ka teams sa Los Angeles, ang Clippers ug Lakers batok sa tagsa-tagsa nilang mga kaatbang kagahapon sa nagpadayong aksiyon sa National Basketball Association managlahing mga binyu.

Si Kawhi Leonard miiskor og 35 puntos aron pangulohan ang Clippers ngadto sa 130-127 nga kadaogan batok sa Chicago Bulls didto sa Staples Center sa Los Angeles, California.

Mipasud si Leonard og 14 sa 22 niya ka itsa, lakip ang pito sa siyam ka 3-pointers diin usa ka 3-pointer sa third period nagtuboy kaniya aron makab-ot ang 10,000 career points. Si Leonard kugihan sab nga namupo og mga puntos atol sa third period diin mitala siya og  21 nga maoy career-high sa usa ka kuwarter.

Si Paul George adunay 28 puntos, siyam ka assists ug pito ka rebounds, si Lou Williams miamot og 21 puntos ug si Marcus Morris Sr. miambit og 11 puntos ug pito ka rebounds alang sa Clippers.

Si Zach LaVine mihimo'g season-high 45 puntos, mihimo sab siya og season-best 10 ka 3-pointers, pito ka rebounds ug pito sab ka assists alang sa Bulls nga nasugamaka sa ikatulong sunod-sunod nga duwa.

Kini ang ikatulong sunod-sunod nga higayon nga si LaVine mitala og dili momenos 32 puntos.

Ang Bulls labaw og 13 puntos sa second period sa wala ang Clippers milusad og rally aron pahakan ang labaw sa Bulls ngadto sa dos puntos, 50-48 sa nahibiling tres minutos sa maong kuwarter.

Namuntos og maayo ang Clippers sa third period aron makatabla pag-entra sa fourth quarter, 94-all.

Si Nicolas Batum mikompleto sa iyang four-point play sa nahibiling 2:30 sa fourth period aron hatagan ang Clippers og 122-119 nga bentaha ug ilang namintinar ang gamay nilang labaw hangtod nahuman ang duwa.

Sa laing bahin, si Anthony Davis mikandos og 27 puntos sa iyang pagbalik human mapalta og usa ka duwa tungod sa injury dihang ang Lakers milubong sa Houston Rockets, 120-102 didto sa Toyota Arena sa Houston, Texas.

Si LeBron James mikabo og 18 puntos, pito ka rebounds ug pito ka assists alang sa Lakers nga nagpabiling walay pilde sa ilang korte. Si Montrezl Harrell miamot og 16 puntos ug walao ka rebounds gikan sa bench sa Lakers.

Ang Rockets gipangulohan ni Christian Woods nga mikamada og 23 puntos, samtang si James Harden mitampo'g 20 puntos, apan nahimo kini og pito ka turnovers.

Sa lain pang mga resulta, ang Utah Jazz midaog sa Detroit Pistons, 96-86, ang Oklahoma City Thunder mipakaging sa Brooklyn Nets, 129-116, gilubong sa Denver Nuggets ang New York Knicks, 114-89, ang Minnesota Timberwolves mipaluhod sa San Antonio Spurs, 96-88 ug ang Golden State Warriors nakaipsot batok sa Toronto Raptors, 106-105.

CLIPPERS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with