Tim Cone maglaum mobalik si Slaughter sa Barangay Ginebra
CEBU, Philippines — Ang multi-titled coach nga si Tim Cone nanghinaut nga mabalik sa Barangay Ginebra Kings ang ilang higanteng sentro nga si Greg Slaughter alang sa sunod season sa PBA.
Sukad ilang gilangkat ang kampiyonato sa PBA Philippine Cup sa miaging semana, si Cone daan nang naghuna-huna nga palig-onon ang puwersa sa Kings pinaagi sa pagkuha ni Slaughter.
Napupos na ang kontrata ni Slaugher uban sa Ginebra niadtong Disyembre sa miaging tuig ug wala na kini makig-negosasyon aron malugwayan ang iyang kontrata kay gusto una niyang mopahuway sa basketbol.
Matud ni Cone nga dako kaayong bentaha sa ilang koponan kon mobalik si Slaughter nga unang mikulit og pangan human gipangulohan ang University of the Visayas (UV) Green Lancers ngadto sa talagsaong grandslam title sa dihang nagduwa pa kini sa Cebu Schools Athletic Foundation, Inc. (CESAFI) niadtong dekada 2000s.
Gawas ni Slaughter, malaumon sab si Cone nga magpabilin sa ilang kampo ang duha niya ka beterano nga sila si Mark Caguioa ug Joe Devance.
- Latest
