Rockets malaumon magpabilin si Harden

CEBU, Philippines — Ang bag-ong coach sa Houston Rockets nga si Stephen Silas mipadayag nga wala niya regular nga gikontak ang ilang superstar nga si James Harden.

Matud pa ni Silas nga iya kining gituyo aron mahatagan og espasyo si Harden ug makahinuklog ang nasagmuyo nga nawong sa ilang prangkisa kon unsay labing maayo niining buhaton samtang nagkaduol ang sunod NBA season.                      

Dili pa lamang dugay, si Harden mipahibawo sa Rockets nga gusto siyang magpa-trade ngadto sa Brooklyn Nets diin siya buot nga mopakli og bag-ong panid sa iyang karera uban nilang Kevin Durant ug Kyrie Irving.

Apan segun sa mga kasaligang mga tinubdan sa ESPN, ang Rockets nagplano nga ilakip gihapon si Harden sa ilang line-up alang sa 2020-2021 season.

Mismo si Silas malaumon nga si Harden magpabilin sa ilang poder.

Si Harden, ang 2017-2018 MVP gustong magpabalhin og laing team.

Ang una mao si Russell Westbrook nga niadto lamang miaging adlaw gi-trade sa Rockets ngadto sa Washington Wizards hulip ni All-Star guard John Wall ug top draft pick sa umaabot.