Ginebra 3-0 ang tirada; TnT obligado modaog

Emmanuel B. Villaruel (Banat) - December 4, 2020 - 12:00am

CEBU, Philippines — Nagtinguha ang Barangay Ginebra Kings  nga mokulit og 3-0 nga bentaha sa dihang ilang sangkaon ang TNT Tropang Giga sa Game- 3 sa PBA Philippine Cup best-of-seven finals karong adlawa didto sa AUF Sports Arena sa Angeles City, Pampanga.

Sa ilang paghamag sa Tropang Giga karong alas-6 sa gabii, ang Kings buot motikang ngadto sa usa na lang ka daog aron sakmiton ang labing una nilang kampiyonato sa All-Filipino Conference sud sa 13 ka tuig.

Si coach Tim Cone ug ang iyang mga sakop miinat sa ilang bentaha ngadto sa 2-0 human miiskor og laing kulbahinam nga daog, 92-90 sa Game-2 niadtong Miyerkules.

Susama kini sa pagpayaka nila sa TNT sud sa overtime, 100-94 sa Game-1 niadtong Domingo.

Alang sa TNT, lain na sab kining pait nga kapildihan nga lisud nila tunlon.

Duna unta sila'y oportunidad nga modaog sa Game-1, apan si Jayson Castro nasipyat sa iyang itsa dayong kapupos sa oras sa regulasyon.

Bisan wala ang tirador nilang si Bobby Ray Parks Jr. kay dunay gihambin nga angol sa Game-2, ang Tropang Giga maoy mikontrolar sa halos tibuok bahin sa duwa ug sa usa ka higayon naglabaw pa gani og 15 puntos sa ikatulong kuwarter, 39-54 sa wala pa mikolapso  sa hinapos nga bahin sa aksiyon.

Katapusang miabante ang TNT sa iskor nga 85-84 gumikan kay si Scottie Thomspon milansang og krusyal nga tres aron pagpalabaw sa Ginebra sa hingpit, 87-85 sa katapusang 30 segundos. Si LA Tenorio mipasud dayon og lima sa unom niya ka free throws aron pagsilyo sa daog sa   Kings.

Sa dihang naglabaw ang Ginebra og tres puntos, 88-85, ang Tropang Giga dunay pa unta'y tsansa nga makatabla ug posibleng makapuwersa og overtime, apan wala masulod ang giitsang tresni RR Pogoy sa nahibiling 14  segundos.

Karon nga natagak sila sa lawom nga kawot, 0-2, si coach Bong Ravena ug ang iyang Tropang Giga obligado nga mobawos og labtik sa Kings aron mahayagan pa ang nagkaawop nilang paglaum nga makampiyon.

GINEBRA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with