FIBA Asia qualifiers: Gilas gi-sweep ang Thailand
CEBU, Philippines — Gi-sweep sa batan-ong Gilas Pilipinas ang Thailand, 93-69 sa ikaduhang hugna sa FIBA Asia Cup qualifiers niadtong Lunes sa gabii didto sa Manama, Bahrain.
Ang managsuong Javi ug Juan Gomez de Liano nagkumboya'g 33 puntos aron pangulohan ang opensiba sa Gilas.
Sila si Dwight Ramos ug Calvin Oftana nagkumbinar og 22 puntos alang sa Gilas nga wala na molingi pa sukad miposte og 11-0 nga labaw sa sayong bahin sa duwa.
Igo lamang nakasikit ang mga Thais ngadto sa kuwatro puntos, 14-18 gumikan kay miarangkada sab dayon ang Gilas aron inaton og balik ang ilang bentaha ngadto sa 19 puntos atol sa halftime, 53-34.
Dominante kaayo, ang Gilas miposte sa kinadak-an nilang labaw nga 28 puntos sa iskor nga 82-54 sa katapusang kuwarter.
Si Chanatip Jakrawan mipabuto og 34 puntos aron pangulohan ang pilderong Thailand.
- Latest
