Pasigna misidlak sa Japan online dancefest
CEBU, Philippines — Sugboanong si Prince Jayvey Pasigna mikuha og atensiyon human iyang gilangkat ang upat sa siyam ka gold medals nga nadaog sa Dancesport-Team Cebu City sa Japan Online Dancesport Competition ning bag-o lang. Miduwa batok sa mga batan-ong Hapon nga kontra, giharos ni Pasigna ang upat ka bulawang medalya sa waltz, tango, jive ug chachacha sa junior boys division.
Sa girls category, si Trixie Pearl Dicdican mipugnit og duha ka golds sa rhumba ug jive, samtang si Pauline Venice Duba mikolekta og usa ka gold ug usa ka silver.
Ang laing duha ka golds sa DTCC gitunol nilang Paul Corpus ug Ranmarie Princess Escuadro.
Si Princess Jamae Moreno mitunol og usa ka silver ug usa ka bronze, si Rodrigo Emmanuel Teves mitampo og usa ka silver, samtang si Arrianne Generalao mihatag og bronze.
- Latest
