Ginebra nakauna

Emmanuel B. Villaruel (Banat) - December 1, 2020 - 12:00am

CEBU, Philippines — Nagkumboya'g 49 puntos sila si Japeth Aguilar ug Stanley Pringle alang sa Barangay Ginebra Kingsnga mipilde sa TNT Tropang Giga sud sa overtime, 100-94 sa Game-1 sa PBA Philippine Cup best-of-seven finals niadtong Domingo didto sa AUF Sports Center sa Angeles City, Pampanga.

Dako sab og natampo sila si LA Tenorio, Scottie Thompson ug Arvin Tolentino alang sa Kings nga mosuway pagposte og 2-0 nga bentaha sa serye sa Game-2 karong Miyerkules.

Si Thompson miiskor og 15, si Tolentino dunay 14 puntos, samtang si Tenorio miamot og 12 puntos alang sa Ginebra.

"Everybody contributed and it's really a great team effort," matud pa ni Ginebra coach Tim Cone.

"We got a lot of contribution, and that's gonna be to beat this team."

Sa dugang singko minutos, sila si Aguilar, Pringle, Thompson ug Tenorio ang misalida og maayo. Ang hiniusa nilang 8-2 run maoy nakapahagba sa Tropang Giga.

"Laban lang talaga," matud pa ni Aguilar nga mikolekta og 25 puntos ug 16 ka rebounds. Mangtas sab si Pringle nga mikadlit og 24 puntos uban ang pito ka rebounds ug pito sab ka assists.

Sa regulasyon, ang TNT duna unta'y purohan nga modaog, apan nasipyat ang itsa ni Jayson Castro dayong kapupos sa oras.

Si Bobby Parks mirehistro og 20 puntos, samtang ang Sugboanong si RR Pogoy mipupo og 19 puntos sa pilderong Tropang Giga.

PBA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with