NBA pre-season gipamub-an

CEBU, Philippines — Mubo kaayo nga pre-season games ang gitakda sa NBA sa umaabot niining 2020-2021 season

Molanat kini og siyam lamang ka adlaw sugod karong Disyembre 11 ug mahuman sa Disyembre 19.

Sa kinatibuk-an, 49 ka duwa lamang ang mapahigayon nga tune-up games.

Sa maong panahon, matag team dunay duha ka duwa lamang, usa ka home game ug ang usa sa home court sa ilang kontra.

Sa unang adlaw sa aksiyon, ang defending champion Los Angeles Lakers makigpinaksitay batok sa silingan niining LA Clippers.

Ang Toronto Raptors nga adto na magbasi sa Tampa, Florida, makigtigi sa defending Eastern Conference champion sa sunod nga pre-season game.

Sa umaabot nga NBA season, 72 ka duwa lamang ang gitagana imbes 82 ka duwa segun sa naandan niining iskedyul. Waka pa sa'y klaro kon dunay bay mahitabong 2021 All-Star Game tungod sa pandemiya.