James, Irving mag-abot sa NBA finals?

Emmanuel B. Villaruel (Banat) - November 28, 2020 - 12:00am

CEBU, Philippines — Ang defending champion Los Angeles Lakers ug Miami Heat mao gihapon ang nag-unang title contenders sa umaabot nga 2020-2021 NBA season nga gikatakdang mosikad karong Disyembre 22.

Segun sa panahom ni Sekou Smith, usa ka beteranong NBA reporter ug NBA TV analyst, dunay posibilidad nga mag-abot ang kanhi teammates nga sila si LeBron James ug Kyrie Irving sa 2021 NBA Finals. Ang duha ka superstars maoy nagtunol sa Cleveland Cavaliers sa labing una niining kampiyonato sa NBA niadtong 2016.

Si James bag-o pa lang nakabira og laing korona uban sa Lakers, samtang si Irving anaa karon sa poder sa Brooklyn Nets kauban si Kevin Durant.

Mas mosamot pa og kalig-on ang puwersa nilang Irving ug Durant kon  madayon ang plano ni James Harden nga magpa-trade gikan sa Houston Rockets ngadto sa Nets.

Sa pagbalik ni Durant, gipanglantawan nga ang Nets usa sa tulo ka mga koponan nga mohatag og labad sa ulo sa Heat. Ang laing duha mao ang Milwaukee Bucks ug Boston Celtics.

Sa West, inilog gihapon kaayo ang Lakers ubos sa pagpangu nilang James ug Anthony Davis. Wala na man tuod uban kanila sila si Danny Green ug Dwight Howard, apan daw nagkalig-on pa ang Lakers sa pag-abot nilang Dennis Schroder ug Marc Gasol.

Pamilyar gihapon kaayo ang mga kampo nga makahatag og lisud nga hagit sa Lakers sa umaabot nga  season. Apil na niini ang Denver Nuggets, LA Clippers ug Portland Trail Blazers.

Dili sab hinuon angayan kompiyansaan ang Dallas Mavericks, Golden State Warriors ug Phoenix Suns.

NBA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with