Fajardo misaad mamawi sunod season

CEBU, Philippines — Misaad si June Mar Fajardo nga mobangon sunod season uban sa nahagba nga San Miguel Beermen.

Ang Sugboanong si Fajardo nga midaog og unom ka sunod-sunod nga MVP title sa Philippine Basketball Association (PBA) misaad nga buhaton niya kutob sa iyang mahimo aron dad-on niya ang Beermen nga midaog og lima ka sunod-sunod nga kampiyonato sa Philippine Cup balik sa gisaad niini human natagak sa quarterfinal round sa Philippine Cup.

Ang twice-to-beat nga Beermen gipalayas sa ilang trono sa Meralco Bolts sa quarterfinals aron sab pagputol sa ilang pagdominar sa All-Filipino Conference.

Wala makaduwa si Fajardo sa maong komperensiya kay padayon pa kining nagpaalim sa iyang nabuak nga right tibia nga iyang naangkon niadtong Pebrero 4 atol sa ilang team practice didto sa Acropolis gym sa Ortigas.

Padayon pa gihapon ang rehabilitasyon ni Fajardo ubos sa pag-alima ni assistant coach Boycie Zamar ug physical therapist Andrew Bulahan. — Gikan sa GMA Network.com/YRA