Tatum, Mitchell nagpahigot sa ilang teams
CEBU, Philippines — Nagpahigot sila si Jayson Tatum ug Donovan Mitchell sa tagsa-tagsa nila ka mga koponan.
Ang 24-anyos nga si Mitchell gikataho nga miuyon sa lima ka tuig nga kontrata nga mibalor og $163 million uban sa Utah Jazz.
Si Mitchell mi-average og 24.0 points, 4.4 rebounds ug 4.3 assists matag duwa sa miaging season. Gikuha siya sa Utah nga No.13 overall pick sa 2017 NBA Draft ug sukad niadto kanunay na siyang maoy topscorer sa Jazz.
Sa iyang bahin, si Tatum nahimong bitoon sa miaging season diin siya mirehistro og career-high 23.4 points, 7.0 rebounds ug 3.0 assists matag duwa.
Ang 22-anyos nga si Tatum misugot nga magpabilin sa Boston Celtics sud sa lima ka tuig nga kontrata nga nagkantidad og $195 million.
- Latest