Wa'y ideklara nga mananaog sa away nilang Tyson ug Jones
CEBU, Philippines — Walay opisyal nga mananaog nga ideklara human sa away nilang heavyweight legends Mike Tyson ug Roy Jones Jr. nga gikatakda karong Domingo didto sa Los Angeles, California. Kini gumikan kay walay hurado gikan California State Athletic Commission (CSAC) ang motrabaho sa away gumikan kay usa man kini ka exhibition bout.
Mao kini ang gikompirmar sa CSAS ngadto sa boxingscence.com Duna hinuo'y mobarog nga mga judges sa sangka nilang Tyson ug Jones. Kini mao ang kanhi mga kampiyon nga sila si Chad Dawson, Christy Martin ug Vinny Pazienza. Ang modaog makadawat hinuon gihapon og WBC Frontline Battle Belt, apan dili kini madugang sa opisyal nilang win-loss records.
Sila si Tyson, 55-anyos, ug si Jones, 52-anyos, magsangka ibabaw sa ring sud sa walo ka hugna gamit ang 12 ounce gloves.
- Latest
