Pacquiao vs McGregor dayon gyud
CEBU, Philippines — Madayon gyud ang gihandum nga sangka tali nilang Pinoy boxing legend Manny Pacquiao ug UFC superstar Conor McGregor.
Mao kini ang gipasalig ni Audie Attar nga parehong nagrepresentar nilang Pacquiao ug McGregor pinaagi sa Paradigm SM.
Sa dihang nahinabi sa Bloomberg TV ning bag-o lang, si Attar miingon nga ang duha ka mga fighters pulos interesado nga magpinaksitay ibabaw sa ring. Mitug-an hinuon ni Attar nga kinahanglan una nga pildihon ni McGregor si Dustin Poirier sa ilang away karong Enero 23 sa dili pa maghuna-huna sa away nila ni Pacquiao.
"As it relates to Manny Pacquiao and Conor McGregor, Conor has a fight on January 23 against Dustin Poirier... He will be handling business against Dustin first," matud pa ni Attar. "As I stated before we (Conor and Pacquiao) have had conversations. So, that is a fight we are definitely going to make." Kon ugaling mahinayon, gibana-bana nga ang sangka nilang Pacquiao ug McGregor mokita og $250 million. Si McGregor usa lamang sa pipila ka prominenteng mga pangan nga buot iparang ni Pacquiao sunod tuig. Apil na niini ang wa'y pildeng WBO welterweight champion nga si Terence Crawford nga mihagit ni Pacquiao human madepensai ang iyang titulo pinaagi sa pag-TKO ni Kell Brook sud lamang sa upat ka hugna.
- Latest
