_banat
^

Ginebra, TNT 2-0 ang tuyo Mga duwa karon

Emmanuel B. Villaruel (Banat) - November 20, 2020 - 12:00am

CEBU, Philippines — Ang Barangay Ginebra Kings ug ang TNT Tropang Giga parehong naglaraw nga moposte og 2-0 nga bentaha sa ilang pakigharong og usab sa tagsa-tagsa nila ka mga kontra sa Game-2 sa best-of-five PBA Philippine Cup semifinals karong adlawa didto sa AUF Sports Arena sa Angeles City, Pampanga.

Nakauna ang Kings sa serye human gipultan og kuryente ang Meralco Bolts, 96-79 sa Game-1 niadtong Miyerkules sa gabii.

Sa una nilang pana-abot, dominante kaayo ang Kings nga mibulhot og maayo human nakabentaha og 12 puntos sa halftime, 48-37. Gitiwasan pa og kulata sa Kings ang nagkagidlay nga Bolts sa katapusang kuwarter aron pagpaburot sa ilang labaw ngadto na sa 25 puntos, 90-65 sa  katapusang 4:46 sa aksiyon.

Sa laing bahin, ang Tropang Giga nagsandig sa pagkamabayanihon ni All-Star guard Jayson Castro aron pag-eskapo uban ang 95-92 nga kadaogan batok sa Phoenix Super LPG Fuel Masters.

Si Castro mikadlit og siyete sa katapusang nga otso puntos sa TNT aron itukmod ang Tropang Giga ngadto sa duha na lang ka daog gikan sa PBA bubble finals.

Ang Tropang Giga mahimong mopaduol og maayo sa ilang tumong kon ilang usban og pilde ang Fuel Masters sa ilang engkuwentro nga gikatakda sa alas-6:30 sa gabii.

BARANGAY GINEBRA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with