Beermen buhi pa sa quarterfinals

Emmanuel B. Villaruel (Banat) - November 10, 2020 - 12:00am

CEBU, Philippines — Nagpabiling buhi ang kampanya sa San Miguel Beermen nga makatikang sa quarterfinals human ilang gipilde ang sister-team Barangay Ginebra Kings, 81-66 sa PBA Philippine Cup didto sa AUF Sports Arena sa Angeles City, Pampanga.

Si Mo Tautuaa mitimbre og 20 puntos ug 11 ka rebounds, samtang si Chris Ross mihipos sab og double-double uban ang 11 puntos ug 14 ka assists alang sa Beermen nga nakigtabla karon sa Alaska Aces, Meralco Bolts ug Magnolia Hotshots bitbit ang managsamang 6-4 win-loss records.

Nagtuo si SMB coach Leo Austria nga nadasig ang iyang mga players human iyang gisutlian nga kinahanglan silang modaog sa katapusan nilang duha ka duwa sa eliminasyon aron dili pa sila mobakwit sa PBA bubble.

Ang Beermen kinahanglan pa hinuon nga modaog batok sa NorthPort Batang Pier karong adlawa aron pagseguro sa ilang puwesto sa sunod nga hugna sa torneyo.

Kini gumikan kay nagsikit man kanila ang Rain or Shine (5-4) ug NLEX (4-5) nga duna pa'y tagurha ka duwa nga nahibilin.

Si Japeth Aguilar mitali og 13 puntos, samtang si Scottie Thompson miamot og 12 puntos, siyam ka rebounds ug 10 ka assists alang sa Ginebra nga bisan og napilde dako gihapon ang tsansa nga makasud sa Top 4 sa gikuptan niining 7-3  nga baraha.

SAN MIGUEL BEERMEN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with