D'Antoni gikuhang assistant ni Nash sa Nets

CEBU, Philippines — Gipahibalo kagahapon sa Brooklyn Nets nga ilang gikuha si Mike D'Antoni isip assistant coach. Ang maong lakang naghiusa og balik ni D'Antoni ug sa kanhi niya player nga si Steve Nash, nga mao karon ang head coach sa Nets.  Si Nash nakadaog og duha ka sagunson ng MVP awards samtang nagduwa uban sa Phoenix Suns ubos sa pagtimon ni D'Antoni niadtong 2006 ug 2007.

Sa miaging bulan, ang 69-anyos nga si D'Antoni mikanaog isip head coach sa Houston Rockets human sa upat ka tuig. Mao kini ang ikatulong higayon nga sila si D'Antoni ug Nash mag-uban sa usa ka NBA team.

Si Nash miduwa ubos ni D'Antoni gikan sa 2004 ngadto sa 2008 uban sa Suns ug dayon si D'Antoni mi-coach ni Nash sud sa duha ka seasons sa Los Angeles Lakers niadtong 2012 ngadto sa 2014.

Si D'Antoni duha ka higayon nahimong NBA Coach of the Year samtang gigiyahan ang Rockets ngadto sa 217-101 win-loss record sud sa upat ka tuig.