Suspendido na SAB mga duwa sa PBA
Cebu, Philippines — Gisuspenso sa PBA ang tanan niining mga duwa sugod kagahapong adlawa, Oktubre 30, segun sa rekomendasyon sa Inter-Angecy Task Force Technical Working Group.
Gipahibawo sa liga ang surprisa nga kalamboan pinaagi sa social media.
Matud sa PBA nga kanselado ang tanan nilang mga duwa hangtod nga dunay bag-ong protocols gikan sa IATF ug DOH nga maplastada sud sa ilang bubble didto sa Clark, Pampanga.
"The PBA has postponed the game scheduled today pending new protocols by the IATF to be in place to ensure the integrity and safety of the #PBABubble," pahibalo pa sa PBA. Duha ka mga tawo, usa ka reperi ug usa ka player, ang nag-positibo sa Covid-19, apan nag-negatibo sa ilang confirmatory tests.
Ang duha ka gisuspetsahang kaso sud sa PBAS bubble gilantaw sa mga otoridad nga "false positives".
Mao kini ang ikaduhang higayon nga gisuspenso sa PBA ang kasamtangan niining Season 45 Philippine Cup. Ang una niadtong Marso human sa pag-ulbo sa pandemiya.
- Latest