Pinoy GM nanghawod sa US Open Chess Championship
Cebu, Philippines — Ang Pinoy'ng Grandmaster nga si Wesley So maoy mikampiyon sa United States Chess Championship kagahapon.
Si So nakigtabla nilang Ray Robson ug Hikaru Nakamura sa katapusang duha ka hugna, apan igo na kining naghatod kaniya sa titulo uban ang 9.0 puntos.
Sud sa 11 ka duwa, wa'y pilde ang 27-anyos nga si So nga mikulit og pito ka daog ug upat ka tabla.
“It means a lot to win here and being compared to one of the greatest chess players,” matud pa ni So segun sa taho sa The Philippine STAR, igsuong mantalaan sa Banat News. "To score nine of 11 is really a big deal, I wasn’t expecting it and I don’t think I could score this again.” Gawas nga milangkat og balik sa korona nga katapusan niyang nadaog niadtong 2017, si So mibulsa sab og US$40,000 (P2 million) nga ganting salapi.
Tulo ka higayon nga nahimong Philippine champion si So, apan mibiya sa nasud niadtong 2014 aron gukdon ang iyang damgo ubos sa bandila sa Amerika.
- Latest
