Assistant sa Mavs gikuhang coach sa Rockets
CEBU, Philippines — Ang assistant sa Dallas Mavericks nga si Stephen Silas gikuhang head coach sa Houston Rockets.
Segun sa taho sa ESPN, sila si Silas ug ang Rockets nagpinalisar na sa mga termino sa ilang kontrata kagahapong adlawa.
Mismo ang tag-iya sa Mavs nga si Mark Cuban ang mipadangat sa iyang pahalipay ngadtong Silas pinaagi sa iyang Twitter.
Sud sa 20 ka tuig, si Silas nagsilbeng assistant coach nilang Rick Carlisle ug Steve Clifford. Apil sa iyang kasinatian mao ang pag-coach sa pipila ka dekalibreng mga guwardiya sama nilang Luka Doncic, Stephen Curry ug Kemba Walker. Sa iyang pagtaak sa Rockets aron mohulip sa puwesto ni Mike D'Antonio, giyahan ni Silas ang duha ka mga superstars nga sila si James Harden ug Russell Westbrook.
Ang 46-anyos nga si Silas anak ni kanhi NBA player ug coach Paul Silas. Iyang nakatrabaho ang iyang amahan sa sayong bahin sa iyang karera uban sa Charlotte Hornets.
- Latest