Newsome, Ebona gipasidunggan
Emmanuel B. Villaruel (Banat) - October 29, 2020 - 12:00am

CEBU, Philippines — Sila si Chris Newsome sa Meralco Bolts ug Barkley Eboña sa Alaska Aces misidlak nga labing hayag nga players sa ikaduhang semana nga aksiyon sa PBA Philippine Cup bubble play didto sa AUF Sports Arena sa Angeles City, Pampanga.

Si Newsome mi-average og 20.5 points, 6.5 rebounds, 6.0 assists ug 1.5 blocks sa duha ka sagunson nga daog sa Meralco batok sa Magnolia Hotshots ug NLEX Road Warriors hinungdan sa pagsaka sa Bolts sa tunga-tungang bahin sa standings.

Ang 30-anyos nga Fil-Am mikadlit og 23 puntos, pito ka rebounds, unom ka assists ug duha ka blocks sa 109-104 nga kadaogan sa Meralco batok sa Magnolia sud sa overtime ug dayon miposte og 18 puntos, unom ka rebounds ug unom sab ka assists sa 101-92 nga kadaogan sa Bolts batok  sa Road Warriors. Mao kini ang hinungdan nganong si Newsome maoy gibayaw nga Player of the Week. Siya maoy ikaduha nga nakadawat sa senemanang pasidungog sunod sa Sugboanong si RR Pogoy sa TNT Tropang Giga.

Sa laing bahin, ang 6-foot-6 nga si Eboña gipasidunggan nga Rookie of the Week human gitabangan ang Alaska pag-inat sa ilang record ngadto sa 3-3.

Ang No. 4 overall pick gikan sa FEU nga gibansay-bansay ni Alaska assistant coach ug two-time MVP Danny Ildefonso mipabuto og career-high 24 puntos sa dihang gipaksit sa Aces ang Blackwater Elite, 120-82.

Atol sa 88-92 nilang kaparotan ngadto sa defending champion San Miguel Beermen, si Eboña mipakita gihapon sa iyang katakus uban ang 18 puntos ug lima ka rebounds.

MERALCO BOLTS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with