Wa'y trobol sa PBA bubble
Emmanuel B. Villaruel (Philstar.com) - October 27, 2020 - 12:00am

Blackwater player nag-negatibo na sa COVID-19 tests

CEBU, Philippines — Gipahibawo sa PBA kagahapon nga negatibo ang mga resulta sa swab ug antigen tests nga ilang gihimo ngadto sa player sa Blackwater Elite niadtong Domingo.

"We would like to report that the RT-PCR test taken by the Blackwater player Sunday yielded a negative result. He also tested negative on antigen," matud pa sa PBA sa usa ka opisyal nga pamahayag nga gipatik sa PBA.ph.

Ang liga midugang nga ang reperi nga nag-positibo sab sa iyang mandatory swab test sa miaging semana nag-negatibo na sab karon ug gihatagan na og sertipikasyon sa maayong panglawas sa mga doktor nga nagduma sa mga patakaran sa kaluwasan ug panglawas sud sa PBA bubble didto sa Clark, Pampanga.

Bisan og nag-negatibo na sila, ang player ug ang reperi padayon nga mag-kwarantin isip paneguradong lakang sa liga.

"The PBA bubble remains intact and has not been breached. Nevertheless, we urge all participants to be extra cautious and strictly follow the protocols set for them inside the bubble," dugang pahimangno sa PBA.

Sa laing bahin, ang Alaska Aces naglaraw nga makabawi sa miagi nilang kaparotan sa dihang ilang harungon ang wala pa'y daog nga TerraFirma Dyip sa  PBA Philippine Cup bubble play karong alas-4 sa hapon didto sa Smart 5G-powered AUF Sports Arena  sa Angeles City, Pampanga.

Napakgang ang tulo ka sagunson nga daog sa Aces human sila mapilde ngadto sa San Miguel Beermen niadtong Sabado, 88-92.

Bitbit ang 3-3 record, ang Aces inilog hinuon batok sa Dyip nga bokya pa gihapon human sa upat ka duwa.

Sa main game, ang Barangay Ginebra Kings nagtinguha sab nga makabangon gikan sa miagi nilang kapidihan sa mga kamot sa Magnolia Hotshots sa dihang ilang sangkaon ang Rain or Shine Elasto Painters sa alas-6:45 sa gabii.

PBA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with