NBA draft ipahigayon online

CEBU, Philippines — Sa labing unang higayon sa kasaysayan sa NBA, ang tinuig niining Draft ipahigayon karong Nobiyembre 18 pinaagi sa online gikan sa ESPN studios didto sa Bristol, Connecticut.

Ang pandemiya maoy hinungdan nganong nausab ang naandan nga panagtapok sa liga aron pag-alokar sa bag-ong mga talento sa nagkadaiyang NBA teams.

Si NBA commissioner Adam Silver ug deputy commissioner Mark Tatum moadto didto sa ESPN aron ipahibalo kinsa kadtong mga nakuha sa una ug ikaduhang hugna sa seleksiyon.

Makita sab hinuon kadtong potensiyal nga mga draftess pinaagi sa digital nga teknolohiya.

Ang Minnesota Timberwolves mao ang dunay katungod nga mokuha sa No.1 pick ug pagasundan kini Golden State Warriors, Charlotte Hornets, Chicago Bulls, Cleveland Cavaliers, Atlanta Hawks ug Detroit Pistons.

Sila si LaMelo Ball sa Southern California, Anthony Edwards sa University of Georgia ug James Wiseman sa University of Memphis maoy lig-ong mga kandidato alang sa top picks.