Romeo kuyaw di makatiwas sa PBA season
CEBU, Philippines — Miasdang ang defending champion San Miguel Beermen didto sa PBA bubble didto sa Clark, Pampanga nga wala ang lig-on nilang hinagiban nga si six-time MVP June Mar Fajardo nga padayon pang nagpa-alim pa sa iyang injury.
Apan natiwasan pa ang kalbaryo sa Beermen .
Human makatilaw og duha ka sagunson nga pilde, duna pay laing dili maayong balita nga miabot sa kampo ni coach Leo Austria.
Ang bitoon nilang point guard nga si Terence Romeo dili makaduwa sud sa unom ngadto sa walo ka semana human ma-injured ang tuong abaga atol sa miagi nilang duwa batok sa TNT Tropang Giga niadtong Biyernes.
Nahiaguman ni Romeo ang injury human sila magbangga ni Ryan Reyes sa TNT sa ikaduhang kuwarter. Dali siya nga gidali sa ospital ug nasuta nga seryoso iyang injury.
Depende sa dagan sa iyang rehabilitasyon, daw hanap pas dyes panas nga makabalik pa og duwa si Romeo gumikan kay ang Season 45 Philippine Cup ipahigayon sud man lamang sa duha ka bulan.
Taliwala sa ilang nadangatan, padayong makigbisog ang 1-2 nga Beermen ug nanghinaut nga makabawi karong adlawa sa dihang ilang sangkaon ang TerraFirma Dyip.
- Latest