Lakers tahod legasiya ni Kobe
Emmanuel B. Villaruel (Banat) - September 30, 2020 - 12:00am

CEBU, Philippines — Ang determinasyon nga tahuron ang legasiya ni anhing Kobe Bryant maoy nakapadasig ug numero unong motibasyon sa Los Angeles Lakers nga maglawig ngadto sa NBA Finals.

Niadtong Enero, ang Lakers nagbangutan human sa kamatayon sa ilang franchise icon nga si Bryant sa usa ka helicopter crash kauban ang anak niining si Gianna ug laing pang pito ka tawo niadtong Enero 27 (oras sa Pilipinas) didto sa bukirang bahin sa Calabasas, California.

Matud pa ni  LeBron James nga sa higayon nga magsul-ot sila sa ilang uniporme, ilang mahandum ang kabilin ni Kobe.

"Every time you put on purple and gold, you think about his legacy," matud pa ni Lakers superstar LeBron James nga motaak sa NBA Finals sa ika-10 nga higayon. "You think about him and about what he meant to this franchise for 20-plus years, and what he stood for both on the floor and off the   floor."

Ang Lakers miabante sa NBA Finals sa labing unang higayon sud sa usa ka dekada human ilang gitagak ang Denver Nuggets aron sakmiton ang Western Conference title.

Nagbabag sa dalan ni James ug Lakers ngadto sa pagkab-ot sa ilang misyon mao ang Miami Heat nga biya man tuod, apan dili angay kakompiyansaan kay hait sab kon molabok.

Ang Heat mitikang sa NBA Finals sa labing unang higayon sud sa pito ka tuig human gipakaging ang Boston Celtics aron labnihon ang korona sa Eastern Conference.

Kon ang alas sa Heat nga si Jimmy Butler ang pasultion, duna sila'y igong kapasidad nga piugon ang Lakers ilabi na kon ilang mapugngan  si James.

Mao kini ang laraw sa Heat sa ilang best-of-seven finals series batok sa Lakers nga sugdan na karong Miyerkules sa gabii (Huwebes sa buntag oras dinhi sa Pilipinas). 

KOBE BRYANT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with