Rivers nanamilit isip Clippers coach

CEBU, Philippines — Gikompirmar ni Doc Rivers kagahapon nga dili na siya maoy head coach sa Los Angeles Clippers.

Sa usa pa pamahayag, si Rivers pormal nga nanamilit sa Clippers nga iyang gisukipan og kinasingkasing nga pasalamat sa tanan niining suporta ngadto kaniya.

Ang pagbiya ni Rivers naabot human sa makapadisyama nga pagkatagak sa Clippers sa Western Conference semifinals.

Ubos sa pagpangu nilang Kawhi Leonard ug Paul George, ang Clippers miposte og 3-1 nga bentaha sa serye, apan kalit lang mikolapso ug gisagunsonan og tulo ka pilde sa Denver Nuggets hinungdan sa ilang paglayas sa NBA bubble didto sa Orlando, Florida.

Ang 58-anyos nga si Rivers mitapon sa Clippers gikan sa Boston Celtics niadtong 2013. Sa iyang pagtimon, ang Clippers kanunay nga nakasud sa playoffs, apan wala sila makasud bisan kausa sa conference semifinals.