Lakers hari sa West, abante sa NBA finals
Emmanuel B. Villaruel (Banat) - September 28, 2020 - 12:00am

CEBU, Philippines — Mikadlit og "triple-double" si LeBron James atol sa 117-107 nga kadaogan sa Los Angeles Lakers batok sa Denver Nuggets sa Game-5 sa "best-of-seven" aron pag-abante sa NBA Finals.    

Si James mipabuto og 38 puntos, 16 ka rebounds ug 10 ka assists sa Lakers nga mihuman sa serye sa baraha nga 4-1 aron langkaton ang Western Conference title  ug pagtikang sa NBA Finals sa labing unang higayon sud sa usa ka dekada.

Ang sidekick niyang  si Anthony Davis mipugnit og 27 puntos.

Katapusang nakasud sa NBA Finals ang Lakers niadtong 2010 diin ilang gibira ang ika-16 nilang kampiyonato ubos sa pagpangu ni Kobe Bryant nga maoy gibayaw nga Finals MVP niadtong panahona.

Sangkaon sunod sa Lakers ang modaog sa Eastern Conference Finals tali sa Miami Heat ug Boston Celtics.

Bitbit ang 3-2 nga labaw, suwayan sa Heat nga tagakon na nila ang Celtics, kansang tuyo mao ang pagtabla sa serye sa Game-6 karong alas-7:30 sa buntag.

Ning playoffs, ang Nuggets duha ka higayon nga nakabangon human malubong og 3-1 sa serye batok sa Utah Jazz ug LA Clippers, apan wala mosaler ang ilang madyik ning higayona batok sa gamhanang Lakers ubos sa liderato nilang James ug Davis.

Sila si Nikola Jokic ug Jerami Grant mikadlit og 20 puntos matag usa, samtang si Jamal Murray midugang og 19 puntos ug walo ka assists alang sa nanamilit nang Nuggets. 

NBA FINALS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with