PBA magsimbolo paghangop sa nasud sa "new normal"
CEBU, Philippines — Masaligon ang presidente sa Bases Conversion and Development Authority nga si Vince Dizon nga tugotan sa kagamhanan ang pagbalik sa aksiyon sa PBA ubos sa konsepto sa bubble didto sa Clark karong Oktubre.
Gibasi ni Dizon ang iyang pangagpas sa direksiyon nga gihimo sa gobiyerno aron paburugon og balik ang nahagba nga ekonomiya sa nasud tungod ning unom ka bulan nang pandemiya.
Matud pa ni Dizon nga kon ugaling mabalik ang PBA, magsimbolo kini sa paghangop sa nasud sa "new normal" ilabi na kay ang basketbol maoy labing paboritong kalingawan sa mga Pinoy.
"What better symbol of trying to get back to the new normal than restarting the most important pastime in the Philippines which is basketball," matud pa ni Dizon sa programang Sports Page sa TV5 niadtong Lunes.
"Naniniwala kami kung in place ang protocols at masisigurado na talagang very safe ang ating gagawin tulad ng ginagawa sa NBA sa Disney World, tingin ko magiging open ang IATF at ang gobyerno para dito," dugang pa niya.
Si Dizon maoy responsabli pagkumbinser sa PBA nga adto tiwason ang nahunong niining Season 45 Philippine Cup sud sa Clark bubble subay sa estriktong patakaran sa panglawas ug kaluwasan nga gimando sa kagamhanan.
- Latest
