De los Santos naka-double gold na sab
CEBU, Philippines — Daw sa walay makapugong sa tinguha ni James de los Santos nga katkaton ang labing taas nga puwesto sa online karate world rankings.
Kini human si De los Santos misakmit na sab og duha ka sagunson nga bulawang medalya.
Unang gipakaging ni De los Santos si Murilo Alves sa Brazil, 24.6-23.6 aron mahimong kampiyon sa Mitad del Mundo Hatamoto Kai e-Tournament.
Ang 30-anyos nga si De los Santos nga No. 2 karon sa e-kata world rankings ug kanhi Southeast Asian (SEA) Games double bronze medalist, mipilde na sab sa karibal niyang world No. 1 nga si Eduardo Garcia sa Portugal, 24.8, 24-5 aron birahon ang titulo sa ikaupat nga edisyon sa SportData eTournament World Series.
Mao kadto ang ikawalong sagunson nga gold medal ug ika-10 sa kinatibuk-an ni De los Santos sukad siya nanghawod sa Balkan Open niadtong Agosto 3.
- Latest
