PBA pahugtan ang kaluwasan sa ilang bubble
CEBU, Philippines — Masaligon ang PBA nga maduma niini ang pagtiwas sa ilang season nga dili sila maigo sa gikahadlokang coronavirus pinaagi sa pagsunod sa estrikto nilang patakaran sa panglawas ug kaluwasan sa iplastada nilang bubble didto sa Clark Freeport Zone sa Pampanga sugod karong Oktubre 9.
Sa higayon nga naay mataptan sa gikahadkokang virus, ang mga opisyal sa liga mipasalig nga duna sila'y mga lakang nga giandam alang niini aron ilang mapadayon ang ilang torneyo sa duol nga Angeles University Foundation (AUF) Gym.
Si PBA commissioner Willie Marcial ug board chairman Ricky Vargas nagkanayon nga ang liga determinado nga sugdan og balik ang Season 45 Philippine Cup aron kahatagan ang mga Pinoy og kalingawan taliwala ning pandemiya.
"Tuloy ito," matud pa ni Marcial. "Laban na ito, kaya kahit six players for a team in uniform, we'll allow to do the round-robin and play the game. We've trimmed down the number of players to avoid default from eight to six," dugang pa ni Marcial.
Moabot ngadto sa 350 ka tawo gikan sa PBA ang magtapok didto sa Clark bubble aron tiwason ang nahunong niining season sa usa na lamang ka komperensiya nga molanat og duha ka bulan.
- Latest
