Heat 2-0 ang tirada
Emmanuel B. Villaruel (Banat) - September 18, 2020 - 12:00am

CEBU, Philippines — Naglaraw ang Miami Heat nga moposte og 2-0 nga bentaha, apan angayan silang mangandam sa usa ka dakong gubat gumikan kay ang Boston Celtics nagpangagot man nga mobawos sa Game-2 sa ilang "best-of-seven" NBA Eastern Conference Finals karong buntag didto sa Orlando, Florida.

Nakauna ang Heat human gipaklaging ang Celtics, 117-114 sud sa overtime sa buena manong aksiyon sa ilang serye niadtong Martes, apan sa maong duwa dunay pipila ka higayon nga modaog ang Celtics.

Sa dihang nagtabla ang iskor nga 106-106 sa himalatyong oras sa regulasyon, ang Celtics nagdanga-danga unta sa kadaogan, apan nasipyat ang gitira nga tres ni Jayson Tatum dayong kapupos sa oras.

Sa nahibiling 2.5 segundos sa dugang singko minutos sa ilang kumbati, ang Celtis dunay oportunidad nga makapuwersa og ikaduhang overtime, apan wala na sab masud ang desperasyon nga 3-pointer ni Tatum nga nakapadilaob sa Heat.

Sa gihapon, sila si Jimmy Butler, Bam Adebayo, Tyler Hero, Jae Crowder ug Goran Dragic maoy mangu sa Heat, samtang sila si Tatum, Kemba Walker, Gary Harris, Marcus Smart ug Jaylen Brown maoy idiga nga mga alas sa Celtics. 

MIAMI HEAT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with