Heat nakauna sa Celtics
Emmanuel B. Villaruel (Banat) - September 17, 2020 - 12:00am

CEBU, Philippines — Nahimong mga bida sila si Jimmy Butler ug Bam Adebayo sa Miami Heat nga mipakaging sa Boston Celtics, 117-114 aron makauna sa ilang "best-of-seven" NBA Eastern Conference Finals kagahapon didto sa Orlando, Florida.

Si Butler miduslit og 20 puntos, apil na ang krusyal nga three-point play nga maoy nakapalabaw sa Heat, 116-114 sa himalatyong segundos sa overtime. Duna unta'y tsansa ang Celtics nga makatabla, apan si Jayson Tatum natapalan ni Abedayo samtang padung na unta kini mohansak sa bola.

Human sa dalaygon niyang depensa, nipilit pa gyud ang bola sa mga kamot ni Adebayo nga dali nga gi-foul sa Celtics sa tinguha nga pugngan ang oras.

Si Adebayo mipasud og usa lamang sa duha niya ka free throws, apan igo kining nakapainat sa labaw sa Heat ngadto sa tres puntos sa nahibilin nga 2.5 segundos.

Gihatagan unta og laing oportunidad ang Celtics nga makapuwersa og ikaduhang overtime, apan wala masud ang  desperasyon nga tres ni Tatum dayong kapupos sa oras.

Si Tatum mipabuhagay og 30 puntos, 14 rebounds ug lima ka assists, apan dobleng sakit sa giitsa niyang 3-pointer nga makapadaog unta sa Celtics.

Gawas nilang Butler ug Adebayo, misalida sab si Goran Dragic sa Heat nga mitimbre og 29 puntos ug ingon man si Jae Crowder nga miamot og 22 puntos. Sa habig sa Celtics, si Marcus Smart dunay 26 puntos samtang si Jaylen Brown mitali og 17 puntos sa pilderong kawsa. Mag-abot pag-usab ang Heat ug Celtics sa Game-2  karong Huwebes.

CELTICS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with