Pagsugod og balik sa PBA desisyon karon
CEBU, Philippines — Mag-abot pag-usab ang mga sakop sa PBA Board alang sa usa ka krusyal nga miting karong adlawa diin ilang desisyonan ang pagsugod og balik sa Season 45 Philippine Cup nga nahunong sud sa unom na ka bulan tungod sa pandemiya.
Apil sa tukion sa kadagkoan sa PBA mao ang konsepto sa bubble, format sa torneyo ug uban pang mga mahinungdanong butang kabahin sa plano nilang pagtiwas sa naputol nga season karong Oktubre.
Sa miaging semana, si PBA commissioner Willie Marcial, board chairman Ricky Vargas ug uban pang mga gobernador sa liga mipahigayon sa inisyal nilang miting diin ilang giputlan ang listahan sa posible nilang binyu ngadto na lang sa tulo.
Apan unang determinahon sa Board kon unsay konsepto sa bubble diin ilang tapukon ang 12 ka teams sa usa ka torneyo nga plano nilang sugdan karong Oktubre 9.
Si Vargas unang misugyot nga mas labing maayo nga ilang sundon ang konsepto sa bubble nga giplastada sa NBA.
Duna sa'y suhestiyon kabahin sa semi-bubble diin ang players mopuyo og hotel dayon hatod- kuha sila sa binyu diin ipahigayon ang mga duwa. Ang ikatulong opsiyon mao ang closed-circuit concept sama sa gibuhat sa mga teams sa ilang training.
- Latest