PT sa Knicks usa ka Pinoy

CEBU, Philippines — Ang Pinoy nga si Erwin Benedict Valencia mapasigarbuhon sa iyang trabaho isip Physical Therapist sa New York Knicks sa NBA.

Wala pa man tuo'y Pinoy nga nakaduwa sa NBA, apan si Valencia maoy labing unang Pilipino nga nagsilbe sa prestihisoyong liga isip pangu sa  Physical Therapist and Wellness sa Knicks sud na sa unom ka tuig.

Nanghinaut si Valencia nga makab-ot sa 7-foot-2 niyang kababayan nga si Kai Sotto ang damgo niining mamahimong labing unang Pinoy nga makaduwa sa NBA.

“We are a culture that loves basketball especially the NBA. And for me, I said I would love to be part of that,” matud pa ni Valencia segun sa taho sa Philstar.com.

Apan lagi kay wala palari og abilidad sa natad sa basketbol, si Valencia nangita og laing paagi nga makataak sa NBA.

Mao kini ang hinungdan nganong nitungha siya sa kurso nga Physical Therapy sa University of the Philippines-Manila nga maoy nahimo niyang taytayan sa pagkab-ot sa iyang damgo nga mamahimong tipik ug kabahin sa NBA.