CCSC mopasiugda'g chess junior Olympics
CEBU, Philippines — Ang mga estudyante sa publikong tunghaan sa Dakbayan sa Sugbo nga hilig moduwa og ahedres dunay angay nga pagalantawon sa unahan gumikan kay ang kagamhanan sa dakbayan ubos sa liderato ni Mayor Edgardo Labella mopasiugda og binulan nga chess competition online pinaagi sa inisyatiba sa Cebu City Sports Commission (CCSC) nga gipangulohan ni chairman Edward Hayco. Giulohan og Chess Junior Olympics, ang torneyo mosikad karong Agosto 21 ug duwaon sa lichess.org sugod sa alas-3 sa hapon.
"If you're serious about helping your child get ahead in academia and life, signing him/her up is a smart move. Not only will your child have fun in the game of chess, they’ll also develop valuable life skills that will set them up for future success," suwat pa sa CCSC sa ilang Facebook page.
Ang pinug-anay sa utok ipahigayon inabagan sa Cebu School of Chess ug Cebu Chess Society.
Libre ang registration.
Alang sa dugang mga detalye, kadtong mga interesado mahimong mokontak nilang International Master Kim Steven Yap ug National Arbiter/Trainer Michael Joseph Pagaran sa ilang FB.
- Latest