Rizal, philsports complex gi-lockdown
CEBU, Philippines — PSC chairman Ramirez, commissioners Fernandez ug Maxey apil sa nangatanggong Gipaubos sa Philippine Sports Commission (PSC) ang Rizal Memorial Sports Complex sa Manila ug Philsports Complex sa Pasig City ubos sa total lockdown human ang lima ka mga empleyado niini nagpositibo sa Covid-19.
“May we humbly advice all concerned that both complexes shall be on complete lockdown from August 12 until further notice,” matud pa ni PSC chairman William 'Butch' Ramirez sa usa ka suwat nga iyang gipirmahan niadtong Martes, apan gi-post sa ilang Facebook page kagahapon pa.
“This is part of the agency’s health security protocol, after a staff tested COVID-19 positive in the recent round of RT-PCR testing,” dugang pa niya.
Wala hinoon nganli ni Ramirez ang mga empleyado nga na-igo sa virus apan silang tanan asymptomatic kon wala magpakita og sintomas hinungdan nga gipapauli na lamang sila sa ilang balay aron magkwarantin.
Sa pagkandado sa Philsports Complex, si Ramirez ug ang iyang pamilya apil sa mga nangatanggong ingon man sila si PSC commissioners Charles Maxey ug Ramon Fernandez uban ang asawa niyang si Karla.
- Latest
