CESAFI MVP Shaq Imperial mapasigarbuhon isip delivery boy

CEBU, Philippines — Gipamatud-an ni Sir Shaquille Imperial nga angayan siyang koronahang Most Valuable Player sa miaging Cebu Schools Athletic Foundation, Inc. basketball season human iyang gipangulohan ang Southwestern University (SWU)-Phinma Cobras ngadto sa kampiyonato sa CESAFI sukad niadtong 2014.

Ubos sa liderato ni Imperial, ang Cobras ni coach Mike Reyes mipalayas sa three-time defending champion University of the Visayas (UV) Green Lancers sa ilang trono aron bisbisan ang lima ka tuig nilang huwaw sa titulo.

Ang garbo sa Barangay Poblacion Dakbayan sa Lapu-Lapu City duna pa'y usa ka playing year nga nahibilin sa liga. Sunod tuig pa hinuon kini niya mapahimuslan gumikan kay gikanselar man sa CESAFI ang tibuok niining 2020 season gumikan sa pandemiya sa coronavirus.

Apan si Imperial nagkanayon nga dili na kini niya gamiton pa uban sa Cobras nga maoy iyang pamilya sa milabay'ng upat ka tuig. "I have already talked with coach Mike that I have decided to sit out the last playing year because I have to pursue other priorities," matud pa ni Imperial, kanunay sakop sa All-Star ug Mythical Five nga mihimo'g pangan sa kamaayo niya mopasa ug modala sa bola ug ingon man sa kahait sa iyang outside shooting.

Giklaro hinuon ni Imperial nga dili siya moadto sa bisan asa. Buot niyang magpabilin sa CESAFI apan dili na sul-ot ang uniporme sa Cobras.

"Maybe moduwa pa  ko sa CESAFI," dugang pa ni Imperial. "Pero dili na SWU. Wala pa ko kahibawo asa ko na team as of now kay wala pako'y na estorya na eskwelahan."

"To my SWU Cobras family, I wish them good life. Stay safe always especially these days. About basketball, it was a hell of a ride with you guys, from being at the bottom to becoming the champions. Thank you for the wonderful four years, something that I'll treasure in my lifetime," dugang pa sa 5-foot-10 nga playmaker. Sama sa uban nga apektado ning krisis, si Imperial nanghinuklog sab ug dunay mga leksiyon nga nakat-onan ning panahon sa kalisdanan.

"During the course of this pandemic, I realized how important life really is. I have never spent more time with my parents than this time. It gave me the chance to bond with them as well as my siblings. Life is just too short and so I want to maximize the chance to prove to myself that I can be independent and still contribute to my parents,"  paambit pa ni Imperial.

Sa kasamtangang sitwasyon, gibati ni Imperial nga panahon na aron magsugod siya og trabaho ug makatabang sa iyang ginikanan nga wa'y puas ang suporta kaniya sa nanglabay'ng mga katuigan.

"So when the chance to work on the sidelines came along, I grabbed the opportunity," dugang pa sa 25-anyos nga si Imperial.

Sa pagka karon, gibahin ni Imperial ang iyang panahon isip tigbaliya og mga 'lemon' nga iyang kinumpra sa Carbon Public Market ug isip delivery boy sa Maxim, usa ka internasyonal nga kompaniya nga naghatag og serbisyo alang sa food ug shop delivery sa dili momenos 14 ka nasud sa Asya, apil na ang Malaysia, Indonesia ug  Philippines.

Si Imperial mapasigarbuhon kaayo sa iyang gibuhat kay naghimo kini kaniyang makabulohan ug produktibo ning puntoha sa iyang kinabuhi.