Lucky 7 sa labangon

CEBU, Philippines — Migawas nga labing hayag si Glyzah Mae Getaruelas sa dihang ang Labangon midominar sa ikaupat nga leg sa 1st Cebu City Barangay Grassroots Online Dancesport Competition niadtong weekend.

Ang Labangon mihakot og pito ka gold, siyam ka silver ug lima ka bronze medals.

Nakabira si Getaruelas og duha ka golds alang sa Labangon gikan sa Junior II girls closed chachacha ug jive.

Ang uban pang naka-gold sa Labangon mao sila si Faith Quintero (Juvenile II girls jive),  Mary Joy Marzon (Juvenile II girls open chachacha),  Elijah Bani (Juvenile II boys chachacha), Shadelle Nin?a Hernandez (Junior I girls open chachacha) ug Rich Jaeon Uy (Junior I boys open jive).

Mipahiluna sa ikaduhang dapit mao ang City Central School bitbit ang lima ka golds, upat ka silvers ug tulo ka bronzes, samtang ang Mambaling nalandig sa ikatulong luna uban ang 3-1-4 gold-silver-bronze tally ug gisundan kini sa Cogon-Ramos nga dunay tulo ka golds ug usa ka silver. Mi-okupar sa ikalima hangtod sa ikawalong puwesto mao ang Pardo (2-5-1), Tejero (2-2-1), Guadalupe (2-1-1) ug Sambag I (2-1-0).

Si Jovie Item nakamugna og double gold sa City Central pinaagi sa Juvenile I girls chachacha ug jive jug ingon man si Alexandra Mongas sa Junior I girls closed jive ug chachacha. Si John Lester Pilapil maoy mitunol sa ikalima nilang bulawan sa Juvenile I boys chachacha.

Nakamina og bulawan sa Mambaling mao sila si Jaydel Pat (Junior II boys open chachacha), Arnis Esco (Junior I boys closed jive), ug Ashley Lorraine Rosales (Juvenile II girls chachacha), samtang ang Cogon-Ramos nakakuha og duha ka golds kortesiya ni Charles Mansueto sa Youth boys chachacha ug jive ug usa gikan ni Sofia Isabella Maree Quilaton  sa Junior I girls open jive.

Ang Pardo nakalangkat og duha ka golds gikan nilang Jannah Marie Pugoy sa Youth girls open chachacha ug Mae Ann Mejo sa Youth girls jive, ang Tejero miharos sa golds ug silvers sa Youth girls closed chachacha ug jive kortesiya nilang Lorraine Cueva ug Melrose Villahermosa, ang Guadalupe nakaduha ka golds gikan nilang Wenson Abella sa Junior I boys closed chachacha ug Cyrus Abrilla sa Juvenile I boys jive, samtang ang Sambag I milabni og golds gikan nilang Christian Pino sa Junior II boys open jive ug Kharl Michael Min?oza sa Junior I boys open chachacha.  Ang uban pang mga gold medalists mao sila si Ran Marie Princess Escuadro sa Inayawan (Juvenile II girls open jive), Jan Onig Paguig sa Punta Princesa (Juvenile II boys jive), Trixie Pearl Dicdican sa Ermita (Juniors II girls open chachacha) ug Kerstein Althea Asuque sa Sambag 2 (Junior II girls open jive).