Lakers nasugamak na sab
Emmanuel B. Villaruel (Banat) - August 10, 2020 - 12:00am

CEBU, Philippines — Nasugamak na sab  ang Los Angeles Lakers, ning higayona batok sa Indiana Pacers, 111-116 sa NBA kagahapon didto sa ESPN Wide World Of Sports Complex sa Lake Buena Vista, Florida.

Si T.J. Warren miburak og 39 puntos sa dihang gipatilaw sa Pacers og laing pilde ang Lakers ni LeBron James.

Ang kadaogan sa Indiana nagseguro sa labing nindot nga record ning regular season maangkon sa Milwaukee (55-15) bisan pa man og ang Bucks gipahagba sa Dallas Mavericks sud sa overtime, 136-132.

Wala hinuo'y homecourt advantage ang Bucks gumikan kay ang tanang duwa sa nahibiling bahin sa season adto man ipahigayon sa quarantine bubble sa Walt Disney World sa Orlando, Florida gumikan sa pandemiya.

Ang Lakers nahisukamod sa ikatulong sunod-sunod nga higayon sukad ilang gibira ang No.1 sa Western Conference bisan og nakakubit og 31 puntos, walo ka rebounds ug pito ka assists gikan ni James.

Apan ang four-time MVP mao lamang ang bugtong Lakers starter nga mikadlit og double-figures. Ang iyang sidekick nga si Anthony Davis naposasan ngadto lamang sa otso puntos.

Sa laing duwa, si Luka Doncic migaling na sab og triple-double uban ang 36 puntos, career-high 19 assists ug 14 ka rebounds alang sa Mavs nga mipakaging sa Bucks.

Sila si Giannis Antetokounmpo ug Brooks Lopez mitali og 34 puntos matag usa alang sa pilderong Bucks.

Sa laing bahin, ang Phoenix Suns nagpabiling wa'y pilde sa lima ka duwa didto sa bubble aron pagkulit sa laing taas nilang sunod-sunod nga daog sukad niadtong 2014 human ilang gipakaging ang Miami Heat, 119-112.

Si Devin Booker maoy nangu sa Suns bitbit ang 35 puntos, samtang si Deandre Ayton midugang og 18 puntos ug 12 ka rebounds.

Sa uban pang mga resulta, si Paul George mipupo og 21 puntos sa dihang gibugha sa Los Angeles Clippers ang Portland Trail Blazers, 122-117, samtang si Nikola Jokic mikadlit og 30 puntos ug 11 ka rebounds sa  Denver Nuggets nga nakalingkawas batok sa  Utah Jazz sud sa duha ka overtime, 134-132.

LOS ANGELES LAKERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with