Shoot: Tambag ni coach Albert sa mibiya niyang players

CEBU, Philippines — Miangkon si basketball coach Albert Mariter Alocillo nga nagsagol ang iyang gibati sa dihang gikanselar sa  Cebu Schools Athletic Foundation, Inc. (CESAFI) ang entiro niini 2020 season tungod sa pandemiya sa coronavirus. Naguol siya kay naghinam-hinam na unta siyang moabli og bag-ong panid sa iyang karera isip head coach sa Don Bosco Technical College, Inc. (DBTC) Greywolves.

Apan gibati sab siya og kalipay kay sayod man siya nga ang desisyon sa CESAFI alang man sa kaluwasan ug kaayohan sa tanan taliwala ning kalibutanong krisis panglawas.

"I'm sad, and happy at the same time. I honor and trust the board's decision as it brings welfare to everyone," matud pa ni Alocillo, nga mao kanhi ang nagdala sa University of Southern Philippines Foundation (USPF) Panthers sa wala pa motapon sa Don Bosco.

Gihulagway ni Alocillo ang mga panghitabo karon isip tinuoray nga duwa sa kinabuhi diin ang katawhan kinahanglan nga motan-aw sa krusyal nga sitwasyon uban ang paglaum ug determinasyon.

"Whatever values we learn in this arena of competition, how we respond to this pandemic, this is now the actual game application. The real game of life,"  matud pa ni Alocillo. "Have faith and be positive. There is always a sunshine after the rain, a calm after the storm. It is impossible to please God without faith. Thy will be done."

Bisan pa man sa padayon nga estriktong kwarantin ug gidili pa ang mga kalihukan sa paugnat sa kusog, padayon nga mikontak si Alocillo sa iyang mga players sa online nga pamaagi.

Apan sa miaging semana, si Alocillo mibuhi sa duha niya ka sinaligang players nga sila si Vincent Raymund 'Soysoy' Escobido ug Nichole Jay Cabanero nga atua na karon mangindahay sa  University of Sto. Tomas (UST) Tiger Cubs sa UAAP.

"They asked persmission from me (Escobido and Cabanero) especially the parents," paambit pa ni Alocillo. "Before they make a decision, we even prayed for God's guidance and approval."

Gitambagan ni Alocillo silang Escobido ug Cabanero nga pahimuslan og maayo ang oportunidad ug padayong silang mag-SHOOT sa kanunay.

"My advice for them is to just remember the acronym of SHOOT. It means, S-eek God first, H-umble yourself upon the Lord, O-bserve His laws, O-vercome the pattern of this world, T-rust the impossible to possible," sumala pa ni Alocillo. "That is how our God coaches us to be successful in life, and in everything that we do."