Doncic nagmangtas, mavs daog na gyud: LA Clippers, Bucks nangahagba
Emmanuel B. Villaruel (Banat) - August 6, 2020 - 12:00am

CEBU, Philippines — Nagmangtas si Luka Doncic diin mirehistro kini og "triple-double" alang sa Dallas Mavericks nga milansang sa una nilang daog sukad sa pagsugod og balik sa NBA.

Miagi pa hinuon og overtime ang Mavericks una nila maangkon ang kutas nga kadaogan batok sa Sacramento Kings, 114-110 human sila nakaipsot batok sa Sacramento Kings sud sa overtime kagahapon didto sa HP Field House sud sa NBA Orlando campus.

Ang 21-anyos nga si Doncic mirehistro og 34 puntos uban ang 20 ka rebounds ug 12 ka assists sa dihang gikumpleto sa Mavs ang kulbahinam nilang  kadaogan.

Gumikan niini, si Doncic nahimong labing bata nga player sa kasaysayan sa NBA nga migaling og 30-point, 20-rebound triple-double.

Dako sab og natampo sila si Tim Hardaway Jr. ug Kristaps Porzingis nga mikimada og 22 puntos matag usa alang sa Mavs nga mipapha sa 11 puntos nilang alkansi aron pagtilaw og daog.

Ang Mavs nga seguradong sud na sa playoff, nagbitbit na karon og 41-29 record.

Sa laing bahin, nangahagba ang mga higanteng koponan nga LA Clippers ug Milwaukee Bucks.

Ang Phoenix Suns mirehistro sa ikatulo nilang sunod-sunod nga daog didto sa Orlando human gipakuratan ang Clippers, 117-115.

Si Devin Booker maoy bida sa Suns human mitapos uban ang 35 puntos, apil na niini ang iyang buzzer-beater nga maoy nagselyado sa ilang daog. Sa Eastern Conference, si Timothe Luwawu-Cabarrot mitali og career-high 26 puntos sa dihang gipukan sa Brooklyn Nets ang Milwaukee Bucks, 119-116.

Gumikan sa ikaduha nilang sunod-sunod nga kaparotan, nadelatar ang pagkorona sa Bucks isip No.1 seed sa East. Puwede nilang makab-ot ang maong dungog kon ugaling ilang mabuntog ang Miami Heat karong Biyernes.

Si Giannis Antetokounmpo maoy nangu sa pilderong Bucks bitbit ang 16 puntos, apan mipakita'g aksiyon sud lamang sa 15 minutos kay wala na siya moduwa pa sa second half.

LA CLIPPERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with