Stay at home chessfest "Grandmaster Class" kumbatihan na
Emmanuel B. Villaruel (Banat) - August 1, 2020 - 12:00am

CEBU, Philippines — Ang ikalimang edisyon sa binulan nga Stay at Home Chess Challenge nga gipasiugdahan sa Cebu School of Chess kumbatihan na sugod karong alas-5 sa hapon sa lichess.org.

Giulohan og "Grandmaster Class", mangu sa mga entrante mao mismo si Pinoy Grandmaster Mark Paragua. Mopakita sab og aksiyon sila si Woman GMs Gong Qianyun sa China ug Nafisa Muminova sa Uzbekistan. Si event organizer International Master Kim Steven Yap nagkanayon nga kadtong makapilde ni Paragua dunay P300 nga insentibo, samtang ang makapukan nilang Qianyun ug Muninova makadawat og P150. Sa kinatibuk-an, kapin sa P30,000 nga ganting salapi ang iapud-apod sa mga mananaog ning duha ka oras nga torneyo nga gipaluyohan sa Budde family sa Norway, Chess Infinitum Inc. ug Cebu Executives and Professionals Chess Association (CEPCA) nga gipangulohan ni Engr. Jerry Maratas.

Ang makampiyon mobulsa og P3,000, samtang ang mopahiluna sa ikaduha ngadto sa ikalimang dapit mokubra og P2,500, P2,000, P1,500, ug P1,000. Ang top female ug kiddie players mokabi og P1,000 matag usa samtang ang top senior (60-above) dunay madawdaw nga P400.

Gawas sa ganting salapi, duna sa'y daghang mga raffle prizes alang sa mga partisipante ug fans nga motan-aw sa duwa nga ipasalida live pinaagi sa Facebook page sa Chargemax Chess.

GRANDMASTER CLASS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with