Kapalaran sa D-League naglutaw sa hangin
CEBU, Philippines — Samtang ang PBA gitugotan na sa kagamhanan nga sa hinay-hinay mabalik na sa training ang mga teams niini, ang manghod niining PBA D-League padayon pang naghuwat nga makabuhat sa ingon. Kini kay hangtod karon wala pa gitugotan sa kagamhanan ang mga amateur ug ingon man ang mga semi-pro nga liga nga makasugod og balik sa ilang training taliwala ning pandemiya.
“Bawal pa ang amateurs sa pinayagan ng task force,” kanayon pa ni PBA commissioner Willie Marcial.
Niadtong Marso, ang 12 ka teams nga D-League Aspirants’ Cup nahunong uban sa PBA Season 45 gumikan sa pagulbo sa kalibutanhong krisis. Gawas sa D League naundang sab ang kalihukan sa Maharlika Pilipinas Basketball League (MPBL), NCAA ug UAAP tungod ning makalisang nga virus.
Matud pa ni Marcial nga ang palad sa D League masayran sa krusyal nga PBA Board meeting sunod bulan diin desisyonan sab sa liga kon tiwason ba o ikanselar na lang ang nahunong niining Philippine Cup.
- Latest
