Legasiya ni Pacquiao mas bug-at kay sa bahandi ni Mayweather

CEBU, Philippines — Ang legasiya si Manny Pacquiao mas bug-at kaysa kwarta ni Floyd Mayweather Jr.

Mao kini ang panahom ni Hall of Fame trainer James Walter 'Buddy' McGirt samtang gitimbang-timbang ang karera sa duha ka banggiitang boksidor.

Segun sa taho ni John Tan sa International Business Times, si McGirt nagkanayon nga ang bahandi nga napundar ni Mayweather dili makatupong sa mga nakab-ot ni Pacquiao sa mabulukon niining karera.

Matud pa ni McGirt nga samtang si Mayweather nanghakot og kuwarta samtang nagpabilin sa komportabli niyang dibisyon, si Pacquiao mikayod og maayo aron mamahimong bugtong nga eight-division world champion sa kasaysayan.

“I’d say the 8-division champion, because it’s something you will always be remembered for,” pasabot pa ni McGirt. “You still got a lot of money, you don’t have a billion dollars, but you got something your kids and  grandkids could remember. It’s a legacy, something that lives on forever.”

Susama sab ang opinyon ni Bernard 'The Executioner' Hopkins, laing Hall of Famer nga kanhi naghari nga undisputed middleweight world champion sa iyang panahon.

“I’d rather have Manny Pacquiao’s legacy than Floyd Mayweather’s money," kanayon pa ni Hopkins.