Walay tune-up games sa PBA

CEBU, Philippines — Walay mahitabong tune-up games sa dili pa ang planong pagtiwas sa PBA sa nahunong niining Season 45 sunod bulan.

Sa pagka karon, gipinalisar na sa PBA Board of Governors ang ilang mga patakaran alang sa kaluwasan ug panglawas nga ilang i-implementar atol sa mga praktis ug duwa.

Karong Biyernes, si Marcial makigtagbo sa mga coaches ug team managers aron ipahibawo ang ilang mga plano kabahin sa pagsugod og balik sa liga nga naundang niadtong Marso gumikan sa pandemiya.

Gisalikway hinuon ni Marcial ang posibilidad nga dunay tune-up games sa dili pa ang pagbalik sa aksiyon sa Philippine Cup.

"Baka walang tune-up games para sa mga teams. Pero titingnan pa rin natin. Para sa akin baka wala ng tune-up kasi kung ano yung regular schedule ng isang buong conference ng All-Filipino, yun ang gagawin natin for this conference kung papayagan tayo ng Task Force," sumala pa ni Marcial.

Gipahinumduman sab ni Marcial ang 12 ka mga teams nga seguraduon nga kadtong mga PBA players, kansang kontrata mapupos na kinahanglan nga makapirma usa og kontrata.

"Ang mahalaga, pag start natin, pagpalagay mo ng July 22, kailangan umandar na kasi yung kontrata, kailangan mag-renew ka ng contract ng players within five days," pasabot pa ni Marcial.