Tiukinhoy nadismaya ni coach Ayo

CEBU, Philippines — Nadismaya si Cebu Schools Athletic Foundation, Inc. commissioner Felix 'Boy' O. Tiukinhoy Jr. ni University of Sto. Tomas basketball coach Aldin Ayo sa pagkuha niini ni reigning CESAFI Juniors MVP Leobert Andrew 'LA' Casinillo gikan sa Sacred Heart School-Ateneo de Cebu (SHS-AdC) Magis Eagles ngadto sa  UST Tiger Cubs sa UAAP.

Sa miaging adlaw, ang 6-foot-1 nga All-Star wingman, kinsa mitabang sa Magis Eagles paglansang sa ikalima nilang CESAFI title sa miaging tuig mihimo og kasikas human miulbo ang taho nga moduwa na siya sa UST Tiger Cubs human gikuha ni coach Ayo.

“LA is a great addition to the UST’s basketball program,” matud pa ni Ayo ngadtong Adrian Stewart Co sa Panay News nga maoy unang mibuak sa balita kabahin sa makapakurat nga lakang ni Casinillo.

Mismo si Casinillo ang mikompirmar sa Banat News nga usa siya sa mga gisaytan nga i-recruit sa UST sa dihang si Ayo ug ang Tigers mipahigayon og duha ka adlaw nga try-out alang sa ilang college ug high school ballclubs niadtong Enero dinhi sa Sugbo.

Usa ka kasaligang tinubdan sa Banat News nga dili gustong magpaila mibutyag nga sila si Casinillo ug ang UST ni coach Ayo nagkasinabot na niadto pang Marso.

"Had it not been for the pandemic, he's (LA Casinillo) already in Manila by now," matud pa sa maong tinubdan.

Apan miulbo ang kaspa ni Tiukinhoy sa maong lakang.

"I don't mind players going to Manila to seek better opportunities but the most important thing for them is to have a character," matud pa ni Tiukinhoy. "Before you transfer to another league or wherever you want to go, you must ask permission from the school first."

"What coach Ayo did was unacceptable. He should have at least followed the standard protocols of asking the blessings of the school first before talking to the players and the parents."

Nagkanayon si Tiukinhoy nga ang mga tunghaan nagsakripisyo ug nigasto sa ilang mga players ug dili makiangayon nga sa kalit lang birahon sila ni bisan kinsa.

"I am against this practice of getting players from our league in Cebu without permission," sumala pa ni

Tiukinhoy. "To all CESAFI athletes, I understand that you are looking for a brighter future in your athletic careers, but take things one step at a time. Don't be easily blinded by opportunity that come your way because everything will just fall into place at the right time."