PBA chairman masaligon mabalik ang season
Emmanuel B. Villaruel (Banat) - July 2, 2020 - 12:00am

CEBU, Philippines — Bisan pa man sa nagkasaka nga kaso sa Covid-19 sa Pilipinas, ang tsirman sa PBA Board pabiling masaligon nga matiwas sa liga ang nasuspenso niining season sa naghinapos nga bahin ning tuiga. Si TnT governor Ricky Vargas malaumon kaayo nga ang PBA makabarog ra sa mga tiil niini ug ingon man ang Season 45 nga temporaryong nahunong gumikan sa kalibutanong pandemiya upat na ka bulan ang milabay.

Miangkon si Vargas nga lisud nga tahas ang ilang sagubangon gumikan ning kasamtangang sitwasyon, apan alang kaniya wa'y dautan kon maghuna-huna ka og positibo ilabi ning panahona.

"We would like to really think positively about being able to go back. We will improve soon," matud pa ni Vargas segun sa taho sa PBA.ph. Sa pagka karon, ang PBA naghuwat pa og tubag gikan sa IATF (Inter-Agency Task Force on Emerging Infectious Diseases) kabahin sa ilang hangyo sa hinay-hinay nga pagbalik sa training sa mga teams uban ang pasalig nga estrikto nilang sundon ang tanang mga patakaran alang sa panglawas ug kaluwasan nga gimando sa kagamhanan.

Gikalipay sab ni Vargas ang lakang sa Games and Amusement Board (GAB) nga makigtagbo sa IATF karong adlawa aron tukion ang posibilidad sa pagsugod og balik sa mga pro sports sa nasud, apil na niini ang PBA.

RICKY VARGAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with