RDO assistant coach na sa TNT
CEBU, Philippines — Gidawat og balik sa TNT KaTropa sa ilang poder si Ranidel de Ocampo, ning higayona isip assistant coach.
Si De Ocampo, nga nakadaog og tulo ka kampiyonato sul-ot ang uniporme sa TNT sa wala pa tuldoki ang iyangk karera uban sa Meralco Bolts, motabang pagbaid sa abilidad sa mga higante sa KaTropa sama ni Troy Rosario.
Niadtong Abril, si De Ocampo mipahibalo sa iyang pagretiro isip PBA player gumikan sa nagkadaiyang injury nga mihamok kaniya sa miaging duha ka tuig.
Sud sa 15 niya ka seasons sa PBA uban sa FedEx, Talk 'N Text ug Meralco, si De Ocampo mirehistro og average nga 12.0 points, 6.0 rebounds ug 2.0 assists matag duwa.
Nakadaog siya og unom ka kampiyonato, naapil sa Mythical First Team tulo ka higayon, nahimong Finals MVP ug Best Player of the Conference kaduha ug naapil sa All-Star siyam ka higayon.
Sakop sab siya sa Gilas Pilipinas nga naka-silver sa 2013 FIBA Asia Men's Championship ug nakapakita'g aksiyon sa 2014 FIBA World Cup didto sa Spain.
- Latest
