Belano, Padilla mihinumdum sa bulawanong tuig uban sa UV
Emmanuel B. Villaruel (Banat) - July 1, 2020 - 12:00am

CEBU, Philippines — Managlahi na man tuod nga dalan sa kinabuhi ang ilang giagian karon, apan ang kanhi Sugboanong basketball stars nga sila si Stephen Padilla ug Felix Belano Jr. dunay usa ka butang nga pareho nilang gihinumduman uban ang tumang garbo sa ilang dughan.

Kini wa'y lain kondili mao ang mga bulawanon nilang tuig uban sa University of the Visayas (UV) Green Lancers 1996 national champion team.

Ubos sa pagtimon ni coach Jerry Aratan, ang Lancers Batch '96 mipakyaw sa titulo sa tanang torneyo nga ilang gisalmotan, apil na  ang Cebu Amateur Athletic Association (nga mao na karon ang CESAFI), ang Inter-Collegiate Zonals ug ang National Inter-Collegiate Championships. Gawas nilang Belano ug Padilla, ang laing mga sakop sa 1996 Lancers mao sila sila team captain Gary Cortes, ang kasamtangang coach sa UV, Rey Cantona, Roi Lura, Deocar Zapansa, Dindo Gono, Augustus Abelarde, Rene Toring, Jurie Violango, Aldrin Ocañada, Kid Tubaon, Gabriel Maloloy-on ug Selwyn Wagwag.

Nadugangan og eksplosibong armas tungod ni Bruce Dacia niadtong 1997, ang Lancers gawas nga nakadepensa sa ilang trono sa CAAA, nanghawod sab sa Palarong Pambansa ug dayon gituboy ang Cebu ngadto sa korona sa Philippine National Games (PNG).

Human sa ilang kampanya sa Lancers, sila si Belano ug Padilla misidlak pa og maayo tungod sa maanindot nilang salida sa Metropolitan Basketball Association (MBA) nga nahimo nilang taytatayan aron kab-oton ang ilang damgo nga makaduwa sa PBA.

Si Belano maoy No.14 overall pick sa Pop Cola niadtong 1999 PBA Draft apan nakaduwa siya sa Sta. Lucia Realtors, Talk 'N Text Phone Pals, ug Barako Energy Boosters, samtag si Padilla misalida sa Alaska Aces sugod niadtong 2003 sa wala pa siya gi-trade ngadto sa Air21 Express diin iyang nakauban ang kanhi ni UV teammate nga si Dacia niadtong 2006.   

Balik lantaw sa kagahapon, sila si Belano ug Padilla parehong miangkon nga sa malampuson nilang karera, dunay usa ka butang nga dili nila mahikalimtan ug kini mao ang ilang panahon uban sa Lancers. "Duna man gu'y pagtuo sa among panahon nga dili ka ma-certified Lancer kon dili ka makaisa og national championship banner sa UV," matud pa ni Padilla, ang 1996 CESAFI regular season MVP ug 3-point shootout champion.

"Taud-taud na sab nga wala ma-national champion ang UV atong panahona mao amo tong gilantaw nga hagit. Amo gyud to gihimo na goal," dugang pa ni Padilla nga nagtrabaho karon isip staff sa usa ka medical service provider didto sa Orlando, Florida.

Tuod man nagbunga ang ilang paningkamot ug sakripisyo.

Kini human gipakuratan sa Lancers ang inilog nga Letran Knights nga gibitoonan kanhi nilang Willie Miller, Chris Calaguio, Brian Viloria ug Paul Guerrero, aron langkaton an titulo sa 1996 National Inter-Collegiate Championships didto sa Andres Bonifacio College gym sa Dipolog City.

Gumikan niini, ilang nabisbisan ang 13 ka tuig nga huwaw sa Lancers sa nasudnong bantawan.

"Wa gyud mi magdahom adtong higayona. Dili masukod among kalipay nga amo to siyang nakab-ot," dugang pa ni Padilla, kansang sentimento gidasonan ni Belano. "Dugay na kaayo to apan pareho lang gihapon ang gibati nakong garbo ug kalipay sa higayon nga ako to siyang mahinumduman."

BELANO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with