Pagtaktak ni baldwin desisyon sa TNT
CEBU, Philippines — Miinsister ang TNT nga ang desisyon nga taktakon si Tab Baldwin sa iyang puwesto isip KaTropa assistant coach ug consultant ilang nakab-ot sa wala pa ang nasudnong lockdown tungod sa Covid-19 pipila ka bulan na ang milabay.
Segun sa taho sa The Philippine STAR, si TNT manager Gabby Cui nagkanayon nga ang pagpalagpot ni Baldwin sa team walay kalabotan sa kontrobersiyal niining mga pamahayag batok sa PBA, mga local coaches ug uban pa.
“We decided on this transition way before the lockdown,” matud pa ni Cui.
Gibutang ni Baldwin ang iyang kaugalingon sa mainit nga sitwasyon human iyang gisaway ang format sa PBA, ang kalibre sa mga coaches ug kalidad sa officiating sa liga.
Ang kinabag-an sa Philippine basketball mipalag sa mga komento ni Baldwin hinungdan nga gipamulta siya og P75,000 ug ingon man gisuspenso og unom ka duwa sa PBA.
Giklaro hinuon ni Cui nga si Baldwin magpabiling head coach sa Ateneo Blue Eagles nga dunay lig-ong alyansa sa tag-iya sa TNT KaTropa nga si Manny Pangilinan. Magpabilin sab siyang program director of the Samahang Basketbol ng Pilipinas (SBP).
- Latest