Hontiveros miisip ni boss danding nga ikaduhang amahan
CEBU, Philippines — Si anhing Eduardo 'Danding' Cojuangco Jr. gitawag nga 'The Boss' sa tanan. Apan alang ni Dondon Hontiveros, sama siya sa ikaduhang amahan.
Ang kanhi bitoon sa San Miguel Beermen mihulagway ni Cojuangco, ang chairman ug CEO sa San Miguel Corp. nga usa ka mapinanggaon ug tinuoray nga tawo bisan sa iyang estado isip amahan sa Philippine basketball.
Matud pa ni Hontiveros nga ang pag-amuma ug pagpakabana ni Cojuangco sa iyang mga players milapas sa duwang basketbol.
"He finds time to call us para tanungin not about basketball, but to make sure you're really making good outside of basketball. I think that speaks highly of how he is as a person," matud pa ni Hontiveros agig paghinumdum ni Cojuangco atol sa Father's Day segun sa taho sa PBA.ph.
"Yung relationship (ninyo) is not just employer to employees.
He makes sure guys are doing well not only sa career namin, but also outside and how we handle things,"dugang pa sa 42-anyos nga si Hontiveros nga konsehal na karon sa dakbayan sa Sugbo.
Nagkanayon si Hontiveros nga si Cojuangco kanunay naghuna-huna sa iyang mga players kon unsay ilang pagabuhaton human sa ilang karera sa basketbol. Gitambagan sab siya niini nga sa kanunay morespeto, motahod ug magtukod og maayong relasyon sa isig ka tawo.
- Latest
